საკრებულოს თავმჯდომარის მუქარა ჟურნალისტს

                    უარესს გაგიკეთებთ!!!
  წინასაარჩევნოდ ხელისუფლებამ მდ. ნოღელას ხიდს გმირის - გელა ჭედიას სახელი მიანიჭა. გახსნას ადგილობრივი ხელისუფლების წარმომადგებლები ესწრებოდნენ. ჩვენი დანახვისთანავე გამგებელს გაუჩნდა კითხვა:
      - „როგორ იღებთ ამას, ცუდად თუ კარგად?"
       -როგორ ფიქრობთ? გმირის სახელობის ხიდს ხსნით და როგორ უნდა გადავიღოთ?!
      ამით დასრულდა ჩემი და გამგებლის დიალოგი. მაგრამ საკრებულოს თავმჯდომარის, ალექსი გაბისონიას აგრესიამ მოლოდინს გადააჭარბა. გაიძაოდა - „რატომ იღებთ? ვინ ხართ? აქ  რა გინდათ? ნაციონალებს უდგეხართ გვერდით, ისინი ქვეყნის მტრებია!
     რა შუაში იყო აქ რომელიმე პარტიის ხსენება?! გელა ჭედიამ პარტიას შეწირა თავი თუ სამშობლოს?! მიპასუხეთ ბატონო ალექსი!!!
     ყველაზე მთავარი აქ  ალექსი გაბისონიას აგრესიით ნათქვამი სიტყვებია: „უარესს გაგიკეთებთ!"
    მურმან წოწორიამ კი პროვოკატორი გვიწოდა და ისიც იკადრა გაათრიეთ აქედანო.
    -თქვენ არ იყო „ბატონო" მურმან 2012 წელს, წინასაარჩევნოდ სიძულვილით სავსე ლექსი მიუძღვენით ბიძინა ივანიშვილს?!
    მურმან წოწრიას „ყვარყვარეობა" რაიონის ფარგლებს გასცდა, ყველამ იცის მისი „ავტორიტეტი"(!)  დაბადებიდან დღემდე პარტიებს იცვლის. ამაზე ბევრის წერა შეიძლება, მაგრამ დღეს საკრებულოს თავმჯდომარის აგრესიამ უფრო გაკვირვებული დაგვტოვა.
     ელემენტარული კულტურაა იმისთვის საჭირო, რომ გმირის ხსოვნას მიაგო პატივი, ესეც ვერ დაიტია, იქ დაიწყო პარტიული გარჩევა!!!
     სირცხვილია ბატონო ალექსი! ხვალ არჩევნებია, ძალიან შეშინებული ხართ. აგრესიულიც.  გამიკვირდა!
 

"ნაციონალების" კარდაკარი და "ოცნების" მინისტრები!!!

მაშინ, როდესაც "ერთიანი ნაციონალური მოძრაობის" მაჟორიტარი კანდიდატი ზაალ გოროზია მოსახლეობას კარდაკარ ხვდება, მათ პრობლემებს ეცნობა, ინიშნავს და გეგმას სახავს მის აღმოსაფხვრელად,




"ქართული ოცნების" მაჟორიტარი კანდიდატი ოთარ დანელია მინისტრების თანხლებით ხვდება დაგეგმილად შეკრებილ საჯარო ან სხვა დაწესებულებაში დასაქმებულ თანამშრომლებს. მას არცკამერული მუსიკის ფესტივალი დარჩენია უყურადღებოდ(!), რომელიც სალხინოში, დადიანების სასახლის ეზოში ჩატარდა და განკუთვნილი იყო "პოლიტიკური ელიტისთვის".

2012 წლის არჩევნებამდე დაწერლი ლექსი. ავტორი მურმან წოწორია

     „ივანიშვილის გაშვებულმა რუსული გაზის სუნმა მარტვილამდეც მოაღწია. ნუ ჩაისუნთქვათ! სასიკვდილოა!" /მურმან წოწორია/


                                                   

საქართველოს ღალატია
       
საქართველოს ღალატია       
გელანდებათ პუტინი და
კომუნისტთა პარტია.
რუსის გაზის სუნმა იცის
ალბათტკბილი ღუტუნი,
ინტერნეტში თუ გაზეთში
ისმის თქვენი ღრუტუნი.
თუ არ გჯერათ - დაგაჯერებთ,
რომ ლენინი მკვდარია,
შუბლზე დროშა გაიკეთეთ,
უკან მისინტარია.
ყველამ იცით, რასაც ელით
 და ფულისთვის ირცხევენთ პირსა,
მოვ...ნ თქვენი დამკვეთი და
მასთან მისი მომწონიცა.

 /მურმან წოწორია. მარტვილის მუნიციპალიტეტის სპორტის, ახალგაზრდობის, ძეგლთა დაცვის და კულტურის ხელმძღვანელი/

იუსტიციის მინისტრის უარი ჟურნალისტს!!!

        წინასაარჩევნოდ მინისტრების სტუმრობით მარტვილი განებივრებულია, მაგრამ ჟურნალისტებთან ურთიერთობა არც ერთს არ სურს. მკაცრად გვიშორებენ თავიდან.
       ამ მხრივ განსაკუთრებით „ქართული ოცნების“ შტაბის ფოტოგრაფი გამოირჩევა. მინსტრზე მეტად ჩვენ ვხვდებით მის ფოტოსესიაში. შემდეგ კი შორიდან მუქარით გვიქნევს თავს. რას გვერჩის ის მაინც გვითხრას. ოპონენტი პარტია  უკვირს თუ რა? ასეთი მუქარის შემცველი ზეწოლა არასდროს მიგვრძნია. არადა ჟურნალისტური მუშაობის 13 წლიანი სტაჟი მაქვს.
      ესაა დემოკრატია?! ამ 15 დღის მანძილზე მერამდენედ ვსვამ ამ კითხვას...
      მიპასუხოს „ქართული ოცნების“ შტაბის უფროსმა ან პრესსამსახურმა, რა ხდება მარტვილში? რატომ გვდევნიან ასე? რატომ გეშინიათ ჩვენი გადაღების და ჩაწერის? რას ამბობენ ეს მინისტრები ისეთს, რომ  არ გაშუქდეს?!
      დაცვამ უხეში მოძრაობით გამომაგდო იუსტიციის მინისტრის შეხვედრიდან. მაინც მივაწვდინე ხმა მინისტრს: -ქალბატონო თეა, შეიძლება თქვენთან გასაუბრება?
       - კი, შეიძლება.
და მომიბრუნდა, მაგრამ როგორც კი კამერა და ჩამწერი დაინახა, მხოლოდ ეს გვითხრა:
      - უი, ჟურნალისტები არა!
       !!!!!!!!!!!
რა ხდება ქალბატონო თეა?! 21 - ე საუკუნეა, რატომ ჩაგრავთ ასე ჟურნალისტებს? თუ გეშინიათ კითხვების:
       - რატომ არ დაასაქმეთ ხალხი?
       - რატომ გაგვიზარდეთ გაზის და დენის ტარიფები, რის განახევრებასაც გვპირდებოდი.
       - რატომ კლავენ ქუჩაში ხალხს უმოწყალოდ?
და კიდევ უამრავი სხვა, რაც გვიჭირს და ძალიან გვტკივა. 

დეპუტატობის კანდიდატი მედია საშუალებებს თავს არიდებს

  თუმცა არიდებს კარგი სიტყვაა. მისი შტაბის წარმომადგენლები მარტვილი-ნიუსის მიმართ განსაკუთრებული უხეშობით გამოირჩევიან. თავზე  დადგომით, ე.წ. „ნაგლად" გვიღებენ ფოტოებს და თან დაგვძახიან: „რატომ იღებთ, ვიცით ვინცა ხართ!"
   ნეტა ვინ ვართ? მტრები უცხო ქვეყნიდან შემოსული თუ ვინ?!
   არაობიექტურად რა დავწერეთ ან გავაშუქეთ?! რომელიმე აუდიო ან ვიდეო ჩანაწერი მიგვითითეთ, რომელიც სიყალბეა.
    კითხვის დასასმელად ახლოს არ გვიკარებთ, თორემ კითხვები ძალიან ბევრი გვაქვს. აქედან ორიოდ გვაინტერესებს ამ ეტაპზე;
     ქართულო ოცნებავ! სად არის თქვენს მიერ დაპირებული დენის და გაზის განახევრებული ტარიფები?! პირიქით, კიდევ გაზარდეთ. დღეს კი გაიძახით, კერძო კომპანიაა და ჩვენ არ გვაქვს უფლება ტარიფები ვაკონტროლოთო. ეს არჩევნებამდე არ იცოდით?! სანამ ატყუებთ მოსახლეობას?!
     პრემიები, დანამატები, გაზრდილი ხელფასები - ოღონდ ჩინოვნოკების. ესაა თქვენი ოთხწლიანი მუშაობა!!!
 სადაა დემოკრატია, სიტყვის თავისუფლება?! რატომ გაურბით ჟურნალისტებს??? რატომ არ გაქვთ კითხვებზე(!) პასუხი???
 რამოდენიმე დღეა ვცდილობთ დეპუტატობის კანდიდატს  დავუკავშირდეთ. ვერ და ვერ...!!! შეხვედრაზე ძლივს მოვასწარით კითხვის დასმა.
     -რას იტყვით ყოფილი რწმუნებულების აღდგენაზე?     -საქმის კურსში არ ვარ.   გავიკვირვე.  შემდეგ თქვა, რომ საქმის კურსში კი არის, მაგრამ დეტალებში არ არის გარკვეული.
     ბატონო ოთარ! როგორ აპირებთ დეპუტატობას, როცა რაიონის 21-დან 18 სოფლის რწმუნებული აღადგინა უზენაესმა სასამართლომ. ადგილობრივ ხელისუფლებას საქმის გაჭიანურებასა და ბიუჯეტის გაფლანგვას ედავებიან და თქვენ ამბობთ დეტალებში ვერ ვერკვევიო?!
     გვქონდეს თქვენი იმედი???

ჯანდაცვის მინისტრის პოლიტიკური მოწოდებები!!!

       

      მარტვილის ტ. ხუხუას სახ. კულტურის სახლი ჯანდაცვის მინისტრს მასპინძლობდა. შეხვედრას მედიცინის მუშაკები ესწრებოდნენ. ჯანდაცვის მინისტრთან ერთად სცენაზე მარტვილის მაჟორიტარი დაპუტატობის კანდიდატიც იყო. შეხვედრა პოლიტიკური მოწოდებებით დაიწყო და პოლიტიკური მოწოდებებით დასრულდა.

     რამდენად მიზანშეწონილია  პოლიტიკური მოწოდებები, როდესაც როდესაც მინისტრი თავისი სტრუქტურის წარმომადგენლებს ხვდება და მედიცინის მუშაკები სვამენ კითხვებს პირობების გაუმჯობესებაზე და არა პოლიტიკაზე. ამ დროს მინისტრი მოუწოდებს მათ მხარი დაუჭირონ დეპუტატობის კანდიდატს  ქართული  ოცნებიდან.

     ეს იყო მინისტრის მიზანმიმართული შეხვედრა მედიკოსებთან.

მთელი დღე გამგებლის მოლოდინში...

 30 სექტემბერი, მარტვილი

   ნიუსის წარმომადგენლები მთელი დღე მარტვილის მუნიციპალიტეტის გამგებელს ველოდით. რამდენჯერაც მივმართეთ გამგებლის მდივანს იმდენჯერაც გაწბილებული გამოვედით - ,,გასულია, არვიცი როდის მოვა“. გამგებლის მოადგილემ როგორც გამოგვიცხადა(!) არ უყვარს ,,კომენტარების’’ გაკეთება.

ვის მივმართოთ?!

   დღეს, 30 სექტემბერს, მარტვილი ნიუსის წარმომადგენლები შევდივართ გამგეობაში რამოდენიმეჯერ და 164 საშტატო ერთეულის მქონე კოლექტივში პასუხის გამცემი არავინაა!!!
   დღეს, 30 სექტემბერს, მარტვილი ნიუსის წარმომადგენლები შევდივართ "ქართული ოცნების" შტაბში... აი, აქ კი გადაგვამისამართეს მაჟორიტარი დეპუტატობის კანდიდატის პრეს სამსახურთან. რომელთანაც მხოლოდ სატელეფონო საუბარი შევძელით. მან გვთხოვა კითხვები წინასწარ ყოფილიყო ცნობილი, რომელიც უნდა დავუსვათ დეპუტატობის კანდიდატს. კითხვების ჩამოყალიბების შემდეგ გვითხრა, რომ პასუხი არიცის როდის იქნება მზად რადგან დეპუტატობის კანდიტატი შეხვედრებზეა.
    -ნეტა ეს მხოლოდ მარტვილში ხდება თუ სხვაგანაც?!