თითქმის ერთი საათის განმავლობაში მარტვილის მუნიციპალიტეტ სოფელ ტალერში ცენტრალურ გზაზე მოზრაობა შეჩერებული იყო. აქცია ამავე სოფლის მკვიდრმა ნაზი ღურწკაიამ მოაწყო. სამართალდამცავების ჩარევის შემდეგ მოძრაობა აღსდგა.
როგორც ნაზი ღურწკაია აცხადებს, მისი ოჯახი 1993 წელს გაძარცვეს, გაიყვანეს მსხვილფეხა რქოსანი პირუტყვი და მოიპარეს 130 ლიტრი თაფლი. მან სამართალდამცავებს მას შემდეგ მიმართა, რაც სიტყვიერი დაპირისპირება ფიზიკურში გადაიზარდა.
,,პოლიციას რომ მივმართე რა გამიკეთა? მე დამსვეს განსასჯელის სკამზე, რისთვისაც ჩემმა მეუღლემ თავი მოიკლა".
ქურდობაში ეჭვმიტანილი სოფელ ტალერის ადმინისტრაციული ერთეულის დეპუტატი კოალიცია ქართული ოცნებიდან გოჩა ლაშხია გახლავთ. მისგან ინტერვიუს აღება არცისე იოლი აღმოჩნდა, ის მცირე კომენტარით შემოიფარგლა.
,,თუ ბრალს მდებს შეიტანოს საჩივარი, მე მზად ვარ ვუპასუხო, ბევრი საჩივარია შეტანილი, მაგრამ... მე არანაირი ბრალი არ მიმიძღვის ამ საქმეში".
1993 წლის შემდეგ ნაზი ღურწკაიას საქმე განიხილება, განიხილება და დასასრული არ უჩანს. ის უვადო შიმშილობის გამოცხადებით იმუქრება.
