„საკონსტიტუციო სასამართლოს გუშინდელი გადაწყვეტილება დაუყოვნებლივ უნდა აღსრულდეს საერთო სასამართლოების მიერ პრეზიდენტმა გიორგი მარგველაშვილმა გიგი უგულავას სარჩელზე საკონსტიტუციო სასამართლოს გადაწყვეტილებასთან დაკავშირებით საგანგებო განცხადება გააკეთა.
„სახელმწიფოს უმთავრესი დანიშნულებაა, ადამიანის უზენაესი უფლებების დაცვა. მართლმსაჯულების მიზანიც სწორედ ამ უზენაეს უფლებათ უზრუნველყოფაშია.
საკონსტიტუციო და საერთო სასამართლოები უნდა იდგნენ ამ უფლებათა სადარაჯოზე. საკონსტიტუციო სასამართლოს გადაწყვეტილება არის საბოლოო და სავალდებულოა შესასრულებლად. შესაბამისად, საკონსტიტუციო სასამართლოს გუშინდელი გადაწყვეტილება დაუყოვნებლივ უნდა აღსრულდეს საერთო სასამართლოების მიერ.
ჩვენ ყურადღებით ვადევნებთ თვალყურს ამ გადაწყვეტილების, ყველა კონკრეტულ შემთხვევაში, აღსრულების პროცესს“, - განაცხადა პრეზიდენტმა.
შეგახსენებთ, საკონსტიტუციო სასამართლომ გაიზიარა მოსარჩელის, გიგი უგულავას დაცვის მხარის მოსაზრება, რომ სადავო ნორმა იმაზე მეტი ვადით უშვებს პირის პატიმრობაში ყოფნას ვიდრე ეს კონსტიტუციით არის ნებადართული, რაც ხელყოფს მისი, როგორც ბრალდებულის, კონსტიტუციის მე-18 მუხლის პირველ და მეექვსე პუნქტებით დაცულ უფლებას.
Комментариев нет:
Отправить комментарий